المهندس : أحمد حلمي ” يعلن ترشحه في انتخابات مجلس النواب 2025 بالإسكندرية مثلًا عن حزب الجبهة الوطنية

أعلن المهندس : أحمد حلمي ” عن ترشحه في انتخابات مجلس النواب 2025 عن دائرة سيدي جابر – باب شرق – العطارين – المنشية – الجمرك مُمثلًا عن حزب الجبهة الوطنية – رقم ٢ – رمز السيارة – كما أصدر المهندس أحمد حلمي ” بيانا صحفيا ” قال فيه : أنا مش مرشح… أنا صوتكم اللي عايز يرجّع الكلمة لأصحابها
الترشح بالنسبالي مش حملة انتخابية…
الترشح بالنسبالي موقف… ورسالة… ومسؤولية.

أنا المهندس أحمد حلمي، نازل انتخابات مجلس النواب 2025 عن دائرة سيدي جابر – باب شرق – العطارين – المنشية – الجمرك مُمثلًا عن حزب الجبهة الوطنية – رقم ٢ – رمز 🚗 السيارة.

نازل علشان أرجّع للناس ثقتهم إن صوتهم له قيمة…
نازل علشان أقول إن الشباب مش بس المستقبل،
الشباب هو الحاضر… هو القوة… هو اللي لازم يكون شريك حقيقي في القرار.

أنا وصلت للي أنا فيه بإصراري، بتعبي، وبسنين شغل بدأت وأنا لسه طالب في هندسة إسكندرية…
ماكنتش مستني وظيفة، ولا كنت بدوّر على واسطة.
بدأت من الصفر، ورفضت أكون تابع أو موظف عند حد.
أسست شركتي بإيدي، واجتهدت، وكافحت، واشتغلت ليل ونهار لحد ما قدرت أبني كيان بيشغل مئات الشباب.
من مصر لأمريكا، ومن الصين لهونغ كونغ، اسم شركتي بقى معروف… مش بالدعم، لكن بالإيمان، والإرادة، والعمل الحقيقي

دخلت السياسة مش علشان سلطة…
دخلتها علشان أرد الجميل لبلد علّمتني وربّتني وفتحتلي باب النجاح.

ولو ربنا كرمني بثقتكم…
هأكون دايمًا زي ما كنت:
منكم… وفي وسطكم… وبخدمكم.